مسئلہ :- مقتدی ابھی تشہد مکمل نہیں پڑھ پایا تھا کہ امام نے سلام پھیر دیا تو مقتدی کے لیے کیا حکم ہے امام کے ساتھ سلام پھیر دے یا تشہد مکمل پڑھے ؟
الجواب بعون الملک الوھاب
مقتدی تشہد مکمل پڑھ کر سلام پھیرے اگرچہ کتنی ہی دیر ہو جائے،اسی طرح ایک سوال کے جواب میں حضور اعلیٰ حضرت امام احمد رضا خان فاضل بریلوی رضی الله تعالیٰ عنہ تحریر فرماتے ہیں:لان التشهد واجب والواجب لايترك لسنة والمسئلة منصوص عليها في الخانية وغيرها في كتب العلماء : تشہد واجب ہے اور واجب کو سنت کی وجہ سے ترک نہیں کیا جا سکتا اس مسئلہ پر خانیہ اور دیگر علماء کی کتب میں نص موجود ہے,(فتاویٰ رضویہ مترجم ج 7 ص 53)
حاصل کلام یہ کہ مقتدی تشہد پورا کرکے سلام پھیرے گا اگرچہ امام سلام پھیر دے، واللہ تعالیٰ اعلم بالصواب
۱۵ رجب المرجب ۱۴۴۳ ھجری
اردوہندی میں کمپیوژ کرانے و اردو سے ہندی میں ٹرانسلیت کے لئے اس پر کلک کریں
واحدی لائبریری کے لئے یہاں کلک کریں
آپ سے گزارش ہے کہ صحیح تبصرے کریں، اور غلط الفاظ استعمال نہ کریں۔