(جہنم کی آگ کا رنگ کیسا ہے؟)
مسئلہ:کیا فرماتے ہیں علماء دین اس مسئلہ میں کہ :جہنم کی آگ دنیاوی آگ کی طرح سرخ ہے یا نہیں؟بینوا توجروا
از عبد الرحمٰن محلہ قصا ئی واڑہ میرٹھ۔یکم ربیع النو۱۴۲۹ھ
الجــــــــــــــــــــــــــــــــــــــــــــــــــــــــــــــــــــواب ھوالھادی الی الصواب
جہنم کی آگ مختلف رنگوں میں تبدیلی ہوتی رہی اولاوہ سرخ ہی تھی پھر سفید ہوگئی اس کے بعد سیاہ ہوگئی اور اب تک سیاہ ہی ہے،علامہ ابو القاسم ا صبہانی نے علامہ بیہقی سے روایت کیا کہ حضور پر نور سید عالم صلی اللہ تعالیٰ علیہ وسلم نے آیت کریمہ’’ وقودھا الناس والحجارۃ ‘‘تلاوت فرمائی اس کے بعد ارشاد فرمایا کہ ’’اوقدعلیہا الف عام حتی احمرت والف عام حتی ابیضت والف عام حتی اسودت فھی سوداء مظلمۃ لا یطفأ لھبہا ‘‘جہنم میں ایک ہزار سال آگ( جلائی گئی) تو سرخ ہوئی پھر ایک ہزار سال (جلائی گئی) یہاں تک وہ سفید ہوئی پھر ایک ہزار سال( جلا ئی گئی )حتی کہ سیاہ ہوگئی پس جہنم کی آگ انتہائی سیاہ ہے ،جس کے شعلہ میں کوئی روشنی نہیں ہے ۔(البیہقی ۷۹۹؍تفسیر در منثور جلد ۱؍۱۹۲) وھوتعالیٰ اعلم
محمدمعین الدین خان رضوی ہیم پوری غفرلہ القوی
کتـــــــــــــــــــــــــــــــــــــبہ
۵؍ربیع النور۱۴۲۹ھ
آپ سے گزارش ہے کہ صحیح تبصرے کریں، اور غلط الفاظ استعمال نہ کریں۔