(شان غوث اعظم علیہ الرحمہ)

 

    ہم کو ابوالمعالی صالح بن احمد مالکی نے خبر دی کہ ہم کو دو مشائخ کرام نے خبر دی ایک شیخ ابوالحسن بغدادی معروف بہ خفاف دوسرے شیخ ابو محمد عبد اللطیف بغدادی معروف بہ مطرز اول نے کہا ہمارے پیر مرشد حضرت شیخ ابو السعود احمد بن ابی بکر حریمی نے ہمارے سامنے سن _580 ھ_ میں فرمایااور دوم نے کہا ہم کو ہمارے مرشد حضرت عبد الغنی بن نقطہ نے خبر دی کہ ان کے سامنے ان کے مرشد حضرت شیخ ابو عمروعثمان صریفینی نے فرمایا: کہ" خدا کی قسم!  اللّٰہ عزوجل نے اولیاء میں حضرت شیخ محی الدین عبد القادر کا مثل نہ پیدا کیا نہ کبھی پیدا کرے "رضی اللّٰہُ تعالٰی عنھم اجمعین

 

" سرکار غوث اعظم کے داہنی طرف بحرِ شریعت اور بائیں طرف بحرِ حقیقت اور آپ بے مثال ہیں "{فرمان شیخ احمد رفاعی رضی اللّٰہُ تعالٰی عنھما}

_آپ وہ شخص ہیں کہ بحرِ شریعت جس کی داہنی طرف اور بحرِ حقیقت جس کی بائیں طرف جس میں سے چاہیں پانی بھر لیں_

اس وقت آپ یعنی شیخ عبد القادر جیلانی کا کوئی جواب نہیں -نیز میں (شیخ عبد البطائحی) نے آپ یعنی شیخ احمد الرفاعی سنا کہ اس وقت آپ (شیخ احمد الرفاعی) اپنے بھتیجوں شیخ ابراہیم الاعراب اور ان کے برادران ابوالفرح عبد الرحمن و نجم الدین احمد اولاد الشیخ علی الرفاعی کو (اس وقت آپ ایک شخص کو جو بغداد جانے والے تھے رخصت کررہے تھے) اس بات کی وصیت کی کہ جب تم بغداد پہنچو ! تو حضرت شیخ عبد القادر جیلانی سے پہلے اگر آپ زندہ ہوں تو اور کسی کے پاس نہ جانا ! اور اگر وفات پاگئے ہوں تو آپ شیخ عبد القادر جیلانی کی قبر سے پہلے اور کسی کی زیارت نہ کرنا کیونکہ آپ کے لئے عہد لیا جا چکا ہے کہ جو صاحب حال کہ بغداد جائے اور آپ شیخ عبد القادر جیلانی سے ملاقات نہ کرے تو اس سے اس کا حال سلب ہوجائے گا اس پر افسوس ہے کہ جس نے آپ سے _ملاقات نہ کی ہو۔رضی اللّٰہُ تعالٰی عنھم اجمعین(مؤلف کتاب : روض الابرار ومحاسن الاخیار نے بیان کیا ہے کہ ان کے ناقل عبد اللہ یونینی ہیں)[ قلائد الجواھر صفحہ: 121]

 

     شیخ موصوف یعنی حضرت شیخ لولوالارمنی مخاطب بہ علی الانفاس بیان کرتے ہیں کہ جب آپ یعنی سرکار غوث اعظم رضی اللّٰہُ تعالٰی عنہ نے " قدمی ھذہ علی رقبۃ کل ولی اللّٰہ " فرمایا تو اس وقت ایک بہت بڑی جماعت ہوا میں اڑتی نظر آئی یہ جماعت آپ کی طرف آرہی تھی اور حضرت خضر علیہ السلام نے ان کو آپ کی خدمت میں حاضر ہونے کا حکم دیا تھا جب آپ یہ فرما چکے تھے تو تمام اولیاء کرام نے آپ کو مبارکباد دی اس کے بعد اولیاء کرام کی طرف سے یہ خطاب سنایا گیا (صرف اردو ترجمہ پیش خدمت ہے)اے بادشاہ وقت! و امام وقت و قائم بامر الٰہی وارث کتاب اللّٰہ و سنت رسول اللہ ﷺاے وہ شخص! کہ آسمان و زمین گویا اس کا دستر خوان ہے! اور تمام اہلِ زمانہ اس کے اہل و عیال اور وہ شخص کہ جس کی دعا سے پانی برستا ہے اور جس کی برکت سے تھنوں میں دودھ اترتا ہے اور جس کے روبرو اولیاء سر جھکائے ہوئے ہیں اور جس کے پاس رجال غیب کی چالیس صفیں کھڑی ہوئی ہیں جن کی ہر ایک صف میں ستر ستر 70 مرد ہیں اور جس کی ہتھیلی میں لکھا ہوا ہے کہ میں نے خدائے تعالٰی سے عہد لیا ہے کہ وہ میرے ساتھ خفیہ تدبیر نہ کرےگا اور جس کی دس سالہ عمر میں فرشتے اس کے ارد گرد پھرتے تھے اور اس کی ولایت کی خبر دیتے تھے - رضی اللّٰہُ تعالٰی عنھم اجمعین { قلائد الجواھر صفحہ: 101/102 }( بهجۃ الاسرار شريف صفحہ: 42/43 )واللّٰہُ تعالٰی اعلم ورسولہ ﷺ