زید صاحب ترتیب ہے قضا پڑھے بغیر وقتی نماز پڑھ سکتا ہے یا نہیں ؟

( زید صاحب ترتیب ہے قضا پڑھے بغیر وقتی نماز پڑھ سکتا ہے یا نہیں ؟)

مسئلہ: کیا فرما تے ہیں مفتیان کرام اس مسئلہ میں کہ:زید صاحب ترتیب ہے اگر اسکی کو ئی نماز قضا ہو جا ئے تو وہ قضا پڑھے بغیر وقتی نماز پڑھے توجا ئز ہے یا نہیں ؟بینواتو جروا۔ 

المستفتی: کمال اختر رضوی میہی پو رہ نانپا رہ ۱۷؍ ربیع الغوث ۱۴۲۸؁ھ

الجـــــــــــــــــــــــــــــــــــــــــــــــــــــــــــــــواب بعون المجیب الوھاب

قضا پڑھے بغیر وقتی نماز پڑھنے والا اگر صاحب ترتیب ہے تو اسکی ادا نماز ہو گی ہی نہیں ۔

جیسا کہ علا مہ بر ہان الدین حنفی علیہ الرحمہ تحریر فرما تے ہیں ’’ من صلی العصر وھو ذا کر انہ لم یصل الظھر فھی فاسد ‘‘ (ہدایہ اولین ۱۶۵)

مذکورہ صورت میں وقتی نماز پڑھنا ناجائزہے لیکن اگر کسی وجہ سے ترتیب ساقط ہو جائے مثلا وقت تنگ ہو یا بھول کر پڑھ رہا ہو تو ترتیب سا قط ہو جا ئے گی ۔جیسا کہ صاحب ہدایہ علیہ الرحمہ تحریر فرما تے ہیں ’’الترتیب یسقط بضیق الوقت وکذا بالنسیان ‘‘(ہدایہ اولین ۱۶۵)

یا اور کسی وجہ سے ترتیب سا قط ہو جا ئے تو قضا پڑھے بغیر وقتی نماز پڑھنا جا ئز ہے ۔ واللہ تعا لیٰ اعلم بالصواب 

العبد محمد معین الدین خاں رضوی ہیم پو ری غفرلہ القوی 

کتــــــــــــــــــــــــــــــــــــــــــــــــــــــــــــــبہ

۱۹؍ربیع الغوث ۱۴۲۸؁ھ