سجدہ سہو کن صورتوں میں واجب ہو تا ہے ؟

(سجدہ سہو کن صورتوں میں واجب ہو تا ہے ؟)

مسئلہ:کیا فرما تے ہیں علمائے دین و مفتیان کرام اس مسئلہ میں کہ:سجدۂ سہو کن صورتوں میں واجب ہو تا ہے ؟بینواتو جروا۔

المستفتی:عبد القیوم ترا ئی نیپال ۱۶؍ محرم الحرام ۱۴۲۶؁ھ

الجــــــــــــــــــــــــــــــــــــــــــــــــــــــــــــــــواب بعون المجیب الوھاب

واجبات نماز میں سے ہر واجب کے چھوٹ جا نے سے سہو کے دو سجدے واجب ہوتے ہیں ۔جیسا کہ علا مہ سید احمد طحطاوی حنفی علیہ الرحمہ تحریر فرما تے ہیں:’’قولہ(لترک واجب )ای من واجبا ت الصلوۃ الا صلیۃ فخرج واجب ترتیب التلا وۃ‘‘یعنی (ان کا قول ترک واجب سے )یعنی واجبا ت نماز کے ترک سے سجدہ سہو ضروری ہو گا ۔اس سے ترتیب تلا وت کا واجب نکل گیا ۔اھ (طحطا وی علی مرا قی الفلاح ۴۶۰؍دیو بند )واللہ تعا لیٰ اعلم بالصواب 

العبد محمد معین الدین خاں رضوی ہیم پو ری غفرلہ القوی 

کتــــــــــــــــــــــــــــــــــــــــــــــــــــــــــــــبہ

۸ٍ۱؍ محرم الحرام  ۱۴۲۶؁ھ